Venolla Koniyaadana..

వేనోళ్ళ కొనియాడిన – నా ఆశయే తీరదే
నిన్నెంత ఘనపరచినా – నా హృదయమే నిండదే
నజరేయుడా యేసయ్యా – నీ స్తుతి తప్ప ఆనందమే లేదుగా
నా స్థితి మార్చినది స్తోత్ర నిధియేగదా

||వేనోళ్ల||

1. ఎన్నికలేని నను ప్రేమించి
లోకము నుండి నను వేరుపరచి
నీ సన్నిధిలో నీ కౌగిలిలో – నిత్యము నిలువగ పిలిచావు
మలిన బ్రతుకును నూతన పరచి – పరిమళ సువాసనగ నను మార్చినావు
హల్లెలూయా యేసయ్యా – పెనువేశావు నీ ప్రేమతో నన్నిలా
మది గెలిచావు (జతకలిశావు) లోకాన్ని మరిచేంతలా

||వేనోళ్ల||

2. ఊహకు మించిన కార్యము చేసి – ఉన్నత కృపలో నను దాచినావు
గమ్యమే తెలియని ఈ పయనములో – నా గురి నీవై నిలిచావు
సర్వోన్నతుడా నీ సముఖములో – నను నాటి ఎదిగేటి కృపనిచ్చినావు
హల్లెలూయా యేసయ్యా – కురిపించావు నీ చూపులో వెన్నెల
పలికించావు నీ ప్రేమరాగాలిలా

||వేనోళ్ల||

3. తేజోవాసుల స్వాస్థ్యములోన – నన్ను చేర్చగ కోరిక కలిగి
దూతలగణముతో మేఘముపైన – త్వరలో రానైయున్నావు
రాజుల రాజా నీ రాకడనే – స్మరియించి తపియించి నే కాచుకొంటిని
హల్లెలూయా యేసయ్యా – నిన్ను చేరాలి నేనెరిగి ఆ గువ్వలా
నీకై వెలగాలి ఆ నింగిలో తారలా…

||వేనోళ్ల||