Nammavaddu Nammavaddu

నమ్మవద్దు నమ్మవద్దు ఈ మాయలోకం నమ్మవద్దు
ఇది ఆశజూపి మోసం జేయు ఈ మాయలోకం గనుక

1. మిమ్మునుగన్న తల్లి యేది మిమ్మునుగన్న తండ్రియేడి
నాతోడబుట్టిన తోడులు యేరి వార్నికాటికి మోసిన కోటప్ప లేరి గనుక

||నమ్మవద్దు||

2. మీరు కట్టిన యిండ్లు ఏవి మీరు కట్టిన కోటలు
ఏవి కొట్టి తిన్న పొట్టలు ఉన్నావా? మెట్టలు పల్లాలవ్వక మానునా గనుక

||నమ్మవద్దు||

3. మీరు త్రవ్విన బావులు ఏవి మీరు త్రాగిన నదులు ఏవి
ఏరులు ఎండకుండునా? కారులు మరచెడకుండునా గనుక

||నమ్మవద్దు||

4. మీరు కట్టిన బట్టలు ఏవి చుట్టి త్రాగిన చుట్టలు ఏవి
కట్టినబట్ట మట్టికెకదా? చుట్టిన చుట్ట అగ్గికి కదా గనుక

||నమ్మవద్దు||

5. మనం మట్టినుండు తీయబడితిమి మట్టితో పుట్టబడితిమి ఎట్టి
బ్రతుకు బ్రతికినగాని కట్టెకాటికి పదపదరన్నా గనుక

||నమ్మవద్దు||

6. యేసు ప్రభుని నమ్మండిప్పుడే మోసపోకుడి ఈ ధరణిలో
ప్రయాసపడి భారమును మోసడి ఓ ప్రజలారా గనుక

||నమ్మవద్దు||