Nammadhagina Devuda

నమ్మదగిన దేవుడా నను నడిపించుమా
నమ్మకమైన నాయకుడా నను దరిజేర్చుమా
నీ ఆత్మతో నింపుమా నీ అభిషేకమీయుమా
ఆత్మీయపోరాటంలో నాకు జయమునీయుమా

||నమ్మదగిన||

1. నీవు చేరదీయకుంటే నిలిచేదెవరు
నీవు జాలిచూపకుంటే బ్రతికేదెవరు
నీవు ఊతమీయకుంటే అడుగేపడదు
నీవు నాకు తోడుంటే పయనమాగదు నా పయనమాగదు

||నమ్మదగిన||

2. కానాను యాత్రలోన నేను కదులుచున్నాను
నీ మేఘపు నీడలోన నేను నిలిచియున్నాను
సైన్యములకు అధిపతివై ముందు నడువుమా
వాగ్దాన దేశములోకి నన్ను చేర్చుమా

||నమ్మదగిన||